ग्रामपंचायत डोंगारी
डोंगारी हे महाराष्ट्र राज्यातील पालघर जिल्ह्यातील तलासरी तालुक्यात (पूर्वी ठाणे विभाग होता, पण 1 ऑगस्ट 2014 मध्ये पालघर हा स्वतंत्र जिल्हा झाला) असलेले एक आदिवासी बहुल गाव आहे.
डोंगारी व तलासरी भागात वारली आदिवासी समाजाची दीर्घ परंपरा आहे. त्यांची समृद्ध वारली कला, निसर्गाशी जोडलेली जीवनशैली आणि सामाजिक संस्कृती आजही जिवंत आहे. शिक्षण व कौशल्य प्रशिक्षणामुळे गावाचा विकास होत असून नवीन रोजगार संधी निर्माण होत आहेत.
लोकसंख्येची माहिती
गावाची लोकसंख्या सुमारे १५६६ (२०११) आहे, ज्यापैकी जवळपास ७५% लोक अनुसूचित जमातीतील आहेत.
• मुख्यतः आदिवासी समुदायाचा भाग आहेत.
• गावात मुख्य व्यवसाय शेती आणि पशुपालन संबंधित कामे आहेत, आणि लोकांचे जीवन साधे आणि निसर्गाशी सुसंगत आहे.
गावाचे ब्रीदवाक्य :-
“परंपरेमूळे, प्रगतीकडे वाटचाल.”
“श्रम, सन्मान आणि समृद्ध जीवन.”
“शिक्षणातून विकास, विकासातून उज्ज्वल भविष्य.”
“आदिवासी परंपरेचा अभिमान, आधुनिकतेची ओळख.”
दृष्टी आणि ध्येय
परंपरा जपत शिक्षण, आरोग्य व रोजगारात स्वयंपूर्ण, निसर्गस्नेही आणि एकजुटीचे आदर्श डोंगरी गाव घडवणे हे या दृष्टी–ध्येयाचे मूळ उद्दिष्ट आहे. गुणवत्तापूर्ण शिक्षण व डिजिटल साक्षरता, स्वच्छता व आरोग्य सुविधा, स्थानिक रोजगार व आर्थिक विकास, पर्यावरण संवर्धन तसेच सांस्कृतिक जतन व सामाजिक एकता यांद्वारे शाश्वत व समृद्ध ग्रामविकास साध्य करणे हे प्रमुख ध्येय आहे.
उपलब्ध पायाभूत सुविधा
| क्रमांक | सुविधा प्रकार | उपलब्ध (होय/नाही) | संख्या | रस्त्याने जोडलेले (होय/नाही) |
|---|---|---|---|---|
| १ | ग्रामपंचायत कार्यालय | होय | १ | होय |
| २ | प्राथमिक आरोग्य केंद्र (PHC) | नाही | 0 | नाही |
| ३ | उपकेंद्र (Sub Center) | होय | 12 | होय |
| ४ | अंगणवाडी | होय | 15 | होय |
| ५ | प्राथमिक शाळा | होय | 7 | होय |
| ६ | माध्यमिक शाळा | होय | 1 | होय |
| ७ | उच्च माध्यमिक शाळा | नाही | 0 | नाही |
| ८ | महाविद्यालय / व्यावसायिक केंद्र | नाही | 0 | नाही |
| ९ | समुदाय भवन (Community Hall) | होय | 3 | होय |
| १० | स्वस्त दर दुकान (PDS) | होय | 3 | होय |
| ११ | श्मशानभूमी / स्मशानभूमी | होय | 4 | होय |
| १२ | इंटरनेट / मोबाईल टॉवर | होय | 2 | होय |
| १३ | सीएससी केंद्र (CSC Center) | होय | 2 | होय |
प्रशासकीय संरचना
